Radio: Desactivado
Radio:
km Set radius for geolocation
Buscar

O comercio de Tomiño anímate a `Comprar con amor’

O comercio de Tomiño anímate a `Comprar con amor’

Ante a proximidade de San Valentín os negocios locais énchense de corazóns.

ADETO e os seus asociados lanzan a campaña Compra con Amor, no comercio local para animar ao público a achegarse ao pequeño comercio a facer as súas compras aproveitando a proximidade de San Valentín.

Compra por amor. Eslogan
Compra con amor… amor polo próximo, polo que che da confianza, amor pola túa vila e os comercios que lle dan vida.

Durante a campaña, que conta co financiamento da Xunta de Galicia e o apoio do Concello de Tomiño, os establecementos asociados a ADETO lucirán un elemento decorativo común e compartirán nas suas redes sociais e nas da asociación propostas de regalo para o Día dos Namorados.

Dende ADETO transmiten que o lema `Compra con Amor’ tamén é un xeito de reivindicar o modelo de consumo máis próximo e humano que promove o comercio de proximidade.