ADETO – NOVAS

ADETO e o comercio local convidan aos seus clientes a vivir o Nadal en Tomiño, facendo as súas compras no pequeño comercio e desfrutando das actividades para toda a familia. O Nadal é unha época de ilusión para pequenos e maiores, un momento de compartir as alegrías. Por iso, a Asociación de Comerciantes de Tomiño lanza a campaña Nadal ADETO, na que se sortearán ata 1500 € en premios para repartir entre as persoas que fagan as súas compras nos comercios asociados ata o 4 de xaneiro. Esta campaña, cofinanciada pola Xunta de Galicia e o Concello de Tomiño, inclúe máis sorpresas: ADETO convidou ao mesmísimo Papá Noel a visitar Goián e o centro de Tomiño o mércores 21 e o xoves 22 respectivamente para facer as súas últimas compras nos negocios da zona e para que nenos e nenas poidan levarlle as súas cartas Ademáis, o día 30, o comercio local de Tomiño invita a todos os seus clientes e veciños a pasar unha tarde moi doce cunha Gran Chocolatada na Praza do Seixo, amenizada cunha actuación musical e con actividades para os máis pequenos. A receita deste Nadal está lista: Premios, Papá Noel e chocolate, para que o […]

O pasado 3 de setembro, centos de persoas acudiron á Praza do Seixo a celebrar a Festa do Comercio local organizada por ADETO. Dende primeiras horas da mañá veciños de Tomiño e dos arredores, así como os numerosos visitantes que nestas datas desfrutan das súas vacacións na zona, acudiron a desfrutar dos numerosos atractivos que ofreceu a renovada festa comercial. Ademáis dos numerosos postos de venta de xoguetes, moda, complementos e estética con novidades e descontos, os asistentes poideron desfrutar ao longo de xornada de demostracións deportivas a cargo de Meu Fit, música en directo con Manu Pereyra, postos de comida, sorteos… Ademais, os máis pequenos pasárono en grande no inchable de A Esgalla e na actividade que lles preparou Ma Nunú, así como no espazo de xogo libre preparado por Limón y Fresa. Mención a parte merece o desfile que concentrou as miradas das moitas persoas que se concentraron ao redor da alfombra vermella para aplaudir o bo facer das modelos e os xeniais estilismos de Morell 85, Ro&Ro, Confecciones Isabel, Lito Sport e Streetwise Babi, perfectamente complementados cos peiteados de Arte. Como colofón á Festa, a Master Class de Zumba fixo bailar a pequenos e maiores que non […]

Chega o Nadal e os Reis Magos de Oriente están facendo as súas compras e, como é ben sabido, mercan no comercio local e de proximidade. Se ti tamén mercas aquí, abre ben os ollos! se atopas as súas capas recibirás un regalo sorpresa.

Peluquería Unisex Purificación Peluquería Cortes clásicos ou novas tendencias, para un cambio de estilo ou para un evento especial, o que precises! Séguea nas redes sociais para poder ver os seus traballos ou visítaa na Rúa Gondomar, 17, no centro de Tomiño.

A asociación e o despacho de avogados Rodríguez & Alonso Abogados, asinaron no día de hoxe un convenio de colaboración que terá como obxecto a prestación de asesoramento xurídico por parte do despacho de avogados, ós diferentes asociados a ADETO. Formalizouse deste xeito unha iniciativa da Asociación encamiñada a proporcionar os mellores servizos e prestacións para os asociados. Os beneficiarios do presente convenio serán tódolos asociados a ADETO. Deste xeito,os beneficiarios contarán entre outros cós seguintes dereitos como consultas gratuítas, relacionadas có ámbito profesional ou familiar en tódalas ordes xurisdiccionais, civís/mercantís, penais, administrativas; redacción, revisión e modificación de escritos e contratos; e defensa xurídica e asistencia a xuicio beneficiándose dun desconto do 20% sobre as tarifas por parte de dita empresa. Acceso a tarifas planas adecuadas ás necesidades de cada un, e poderán participar nas xornadas formativas divulgativas que se organicen De igual modo, a empresa prestarase a colaborar coa asociación na preparación e desempeño de actividades divulgativas e formativas tales coma charlas conferencias e xornadas de contido de actualidade xurídica e interés para os asociados. Todos aqueles socios que queiran solicitar unha cita, poden facelo a través do contacto da asociación ou directamente co despacho de avogados no teléfono […]

A alcaldesa de Tomiño, Sandra González Álvarez, e o presidente da Asociación de Autónomos de Comercio, Hostalería e Industria de Tomiño (ADETO) David Vila Magán, asinaron o venres pasado un protocolo de colaboración co fin de mellorar a formación dos profesionais do comercio e a calidade da atención ao cliente. A acción tivo lugar na Casa do Concello, no marco do Mercado Comercial Aberto de Tomiño, ao ser considerada como unha actividade que contribúe tamén a mellorar o atractivo turístico da localidade Deste xeito, ambos organismos acordaron o desenvolvemento de actividades precisas, coma sesións de consultoría e mentoring directo e personalizado; acompañamento persoal e grupal na mellora profesional mediante coaching; sesións de mastermind; un encontro de networking; 10 sesións de formación sobre marketing, técnicas de venda, promoción e publicidade; cinco de asesoramento no uso das novas tecnoloxías, e unha charla-coloquio de impulso motivacional.

Os establecementos de Tomiño inmplícanse na campaña Contra a Violencia de Xénero que tivo lugar dende o día 18 de novembro ata o día 25. Aquí vos deixamos imaxes dalgúns socios e establecementos.

A “Asociación de Autónomos de Comercio, Hostelería, Industria y de Centros Comerciales Abiertos de Tomiño” únese o proxecto para dar difunsión ó portal EmpregonaRede. A Xerente e a Presidenta de ADETO, mostráronse moi proactivas con esta plataforma de emprego, xa que pola súa labor chéganlle ofertas de emprego de empresas que necesitan candidatos. Dáselle a coñecer o funcionamento do portal. Alta de candidatos Sistemas de alertas de empregos. Alta da empresa. Alta de Ofertas de emprego. Publicidade e formulario de contacto. Para todos aqueles interesados este é o enlace: Inicio https://empregonarede.gal/

As REBAIXAS están aquí, con descontos ata o mes de marzo. Aproveita e non as perdas!!!!! O Concello de Tomiño vai colaborar con Adeto e ó longo destes meses Cecilia (Concello) irá visitando os distintos establecementos asociados que teñen rebaixas, para facer unha promoción dos mesmos nas súas redes sociais. Grazas ó Concello de Tomiño por esta iniciativa.

Seguimos de Rebaixas. Hoxe achegámonos até Roupa Paredes, con 50 anos de historia en Tomiño. Susana convídanos a descubrir na súa tenda roupa de home e muller (tallas entre a 42 e a 60), traxes de comunión, etc. con grandes descontos e ofertas especiais.